KLASSİK  XALQ  CƏBHƏSİ  PARTİYASI

KXCP –  Daimi Seçki Qərargahının
yeni tərkibi  müəyyənləşdi.

15 Avqust  2022-ci ildə,  Klassik Xalq Cəbhəsi Partiyası  İdarə Heyətinin  növbəti yığıncağı keçirilmişdir. Yığıncaqda, qərarların icra vəziyyəti, ictimai – siyasi vəziyyət, qarşıda duran vəzifələr və cari məsələlər   müzakirə olunmuş,   müvafiq qərarlar qəbul edilmişdir.
KXCP İdarə Heyəti, Güney Azərbaycanda yaşayan soydaşlarımızın hüquqlarının fars – molla rejimi tərəfindən köbud şəkildə pozulmasına qəti etiraz edir. KXCP, Azərbaycan hakimiyyətindən  Güneydə yaşayan soydaşlarımızın hüquqlarının qorunması  üçün  təsirli  və təxirə salınmaz  addımlar atmağı tələb edir.
İdarə Heyətinin  yığıncağında, 14.08.2022-ci il tarixində keçirilmiş  KXCP Xətai rayon şöbəsinin konfrans səlahiyyətli ümumi yığıncagı haqqında məlumat verilmişdir.
KXCP İdarə Heyəti, Qarabağda hərbi – siyasi vəziyyəti müzakirə edərək, Laçın   və Kəlbəcər rayonlarında işğalçı rus qoşunlarının rəhbərliyi altında  ermənilərin  törətdiyi  terror hadisələrinə, yanğın və dağıntılara qəti etiraz edir, Azərbaycan ordusunu düşmənə layiqli cavab verməyə  çağırır.
KXCP İdarə Heyəti, rusiyanın Ukraynada   davam edən  işğalçı siyasətini qətiyyətlə pisləyir.
KXCP İdarə Heyəti, Tərtər işinin istintaqının nəticələrini  müzakirə edərək,  zərərçəkmişlərin  haqlı tələblərinin yerinə yetirilməsini dəstəklədiyini bir daha bəyan edir.
KXCP İdarə Heyəti, SAVALAN  Ziyarət Günü – 22 Avqust 2022-ci il, saat 12:00-da, Fəxri Xiyabanda, Milli Azadlıq Hərəkatının Lideri  Əbülfəz Elçibəyi ziyarət etmək haqqında qərar qəbul edib.
İdarə Heyəti,  KXCP Daimi Seçki Qərargahının tərkibinin təkmilləşdirilməsi ilə bağlı qərar qəbul  etmişdir.
KXCP İdarə Heyəti, Siyasi Partiyalar Haqqında Qanuna əlavə və düzəlişlər etmək üçün  komissiya yaratmışdır.

KXCP Mətbuat xidməti:            15 Avqust  2022-ci il.

Bunu paylaş:

Bir cavab yazın