AZƏRBAYCAN XALQ HƏRƏKATININ BƏYANATI

Rusiya Federasiyasının vətəndaşlığından,  Azərbaycan hakimiyyətinin sifarişi ilə məhrum edilmiş, Ukrainadan oğurlanaraq  Azərbaycana gətirilən siyasi blogger Elvin İsayevin qondarma cinayət işi üzrə məhkəmə prosesi davam edir.

Bu gün, 25 Sentyabr 2020-ci ildə  Bakı  Ağır Cinayətlər  Məhkəməsində   Elvin İsayevin növbəti  məhkəmə prosesi keçirilməli idi.

Azərbaycan Xalq Hərəkatı  Təşkilat Komitəsinin  üzvləri,  AXH fəalları və yüzlərlə vətəndaş  Elvin İsayevin məhkəməsində iştirak etmək üçün oraya toplaşmışdılar.  Bu izdihamı görən hakimiyyət rəsmiləri  yüzlərlə polis çağıraraq,  insanları oradan zorakılıqla  uzaqlaşdırdılar. Hakimiyyət qurumları Azərbaycan  Konstitusiyasını  kobud şəkildə  pozaraq,   Elvin İsayevin məhkəməsini  ailə üzvləri,  yaxınları və  xalqın iştirakı olmadan  keçirməyə qərar verdilər.

AXH hakimiyyətin bu addımını qətiyyətlə pisləyir. Bu günkü  məhkəməyə gəlmiş  insanlara qarşı  polis zorakılığı  ilə   edilmiş qanunsuz hərəkətlər  Elvin İsayevin günahsız olduğunu  bir daha sübut edir.

AXH , Azərbaycan məhkəmələrinin azad  və ədalətli olmadığının sübutu olan bu günkü polis özbaşınalığının səbəbkarlarının cəzalandırılmasını və  Elvin İsayevin dərhal azad olunmasını tələb edir.

Bunu paylaş: